லெக்கின்ஸ் அணிந்து வந்தஆசிரியை தலைமை ஆசிரியை மீது பரபரப்பு புகார்
கேரளாவின் மலப்புரம் எடபெட்டா சிகேஎச்எம் அரசு உயர்நிலைப் பள்ளி ஆசிரியை சரிதா ரவீந்திரநாத். இவர், அப்பள்ளியின் தலைமை ஆசிரியை ரம்லம் மீது டிஇஓவிடம் புகார் அளித்தார். இந்தி ஆசிரியையான சரிதா, நேற்று அலுவலக அறைக்கு கையெழுத்திட வந்தபோது, தலைமை ஆசிரியை தனது உடை குறித்து தவறாக நடந்து கொண்டதாக புகார் கூறினார். லெக்கின்ஸ் என்பது அநாகரீகமான ஆடை என்றும், லெக்கின்ஸ் அணிந்து வரும் உங்களை பார்த்தே மாணவிகள் சீருடை அணியாமல் கெட்டுப்போவதாகவும் திட்டியுள்ளார்.
தலைமை ஆசிரியையின் சில கருத்துகள் மன உளைச்சலை ஏற்படுத்தியதாக ஆசிரியை புகார் தெரிவித்துள்ளார். வண்டூர் டிஇஓவுக்கு மின்னஞ்சல் மூலம் புகார் அனுப்பப்பட்டது. ஆனால், இதுகுறித்து தலைமை ஆசிரியை ரம்லத் கூறுகையில், இதுகுறித்து கருத்து எதுவும் கூறப்போவதில்லை என்றும், துறைத் தலைவர்கள் விளக்கம் கேட்டால் அதற்கு பதில் அளிப்பதாகவும் தெரிவித்தார்.
Tags :
