தேஜஸ்வி யாதவ் இன்று காங்கிரஸ் தலைவர் சோனியா காந்தியை சந்திக்கிறார்.
பீகார் சட்டப்பேரவையில் நம்பிக்கை வாக்கெடுப்புக்கு முன்னதாக துணை முதல்வர் தேஜஸ்வி யாதவ் இன்று காங்கிரஸ் தலைவர் சோனியா காந்தியை சந்திக்கிறார்.
ஆகஸ்ட் 24 அன்று பீகார் சட்டசபையில் நம்பிக்கை வாக்கெடுப்பு நடைபெறவுள்ளது. இந்த நிலையில், காங்கிரஸ் இடைக்கால தலைவர் சோனியா காந்தியை துணை முதல்வர் தேஜஸ்வி யாதவ் இன்று சந்திக்கிறார்.
ரக்ஷா பந்தன் கொண்டாட்டத்திற்காக தேஜஸ்வி டெல்லி சென்றுள்ளார். அவர் ஆர்ஜேடி தலைவரும், அவரது தந்தையுமான லாலு பிரசாத் யாதவை சந்தித்து பீகாரில் சமீபத்திய அரசியல் மாற்றங்கள் குறித்து விவாதிப்பார்.
பிகாரில் மீண்டும் ஆட்சிக்கு வந்த பிறகு சோனியா காந்தியுடனான தேஜஸ்வியின் முதல் சந்திப்பு இதுவாகும்.
நிதிஷ் குமாரின் ஜேடியு கட்சியுடன் இணைந்திருப்பது "இயற்கையான கூட்டணியே தவிர ஒரு ஒப்பந்தம் அல்ல" என்றும், பீகார் ஒரு மாதத்திற்குள் அரசாங்க வேலைகளை வழங்கும் மிகப்பெரிய மாநிலமாக இருக்கும் என்றும் தேஜஸ்வி கூறினார்.
இது தனது தந்தை மற்றும் நிதிஷ் குமார் இணைந்து உருவாக்கிய உண்மையான 'கூட்டணி'. நிதிஷ் குமாரின் முடிவை நாங்கள் வரவேற்று ஒன்றுபட்டோம்.
மாநில இளைஞர்களுக்கு வேலை வழங்குவதாக அளித்த வாக்குறுதிகளை நிறைவேற்றுவதற்கான காலக்கெடு குறித்து பேசிய துணை முதல்வர், சட்டசபையில் நம்பிக்கை வாக்கெடுப்புக்குப் பிறகுதான் அது நிறைவேற்றப்படும் என்றார்.
Tags :
