விமானத்தில் வழங்கப்பட்ட உணவில் கரப்பான்பூச்சி
ஏர் விஸ்தாரா விமானத்தில் வழங்கப்பட்ட உணவில் கரப்பான்பூச்சி இருந்ததாக பயணி புகார் தெரிவித்து ட்வீட் செய்துள்ள சம்பவம் பரபரப்பை ஏற்படுத்தியுள்ளது.ஒரு விமான பயணி தனது உணவில் கரப்பான் பூச்சிகள் கிடந்ததாக ட்வீட் மூலம் புகார் செய்தார். விமானத்தில் அவருக்கு வழங்கப்பட்ட உணவில் கரப்பான் பூச்சி கிடந்ததாக பயணி கூறியுள்ளார். அவரது ட்வீட் சமூக வலைதளங்களில் வைரலாகி வருகிறது. இந்த விவகாரத்தில் விஸ்தாரா ஏர்லைன்ஸ் பதிலளித்துள்ளது.
நிகுல் சோலங்கி என்ற பயணி விஸ்தாரா ஏர்லைனைப் பற்றி ட்வீட் செய்தார். நிகுல் தனது ட்வீட்டில், ஏர் விஸ்தாராவின் உணவில் ஒரு சிறிய கரப்பான் பூச்சி இருந்தது. இதனை கண்டு பேரதிர்ச்சி அடைந்தேன் என குறிப்பிட்டிருந்தார்.
இந்த ட்வீட்டிற்குப் பிறகு, விமான நிறுவனம் பதிலளித்தது. விஸ்தாரா நிறுவனம் அளித்த பதிலில், எங்களின் அனைத்து உணவுகளும் தரத்தின் மிக உயர்ந்த தரத்தை மனதில் கொண்டு தயாரிக்கப்படுகின்றன. உங்கள் விமானத்தின் விவரங்களை எங்களுக்கு செய்தி மூலம் அனுப்பவும், நாங்கள் இந்த சிக்கலை விரைவாக தீர்க்க இது எங்களுக்கு உதவும். நன்றி. இவ்வாறு குறிப்பிட்டது.
நிறுவனத்தின் பதிலுக்கு பதிலளிக்கும் விதமாக, பயணி தனது விமான டிக்கெட்டை அதில் எழுதப்பட்ட தனது விவரங்களுடன் கருத்துரையில் பகிர்ந்து கொண்டார். தொடர்ந்து, விமான நிறுவனம் பயணிகளின் சிரமத்திற்கு மன்னிப்பு கேட்டுள்ளது.
Tags :
