பழம்பெரும் நடிகரும், தயாரிப்பாளரும், அரசியல் பிரமுகருமான கிருஷ்ணம் ராஜு காலமானார்
தெலுங்கு சினிமாவின் பழம்பெரும் நடிகரும், தயாரிப்பாளருமான உப்பளபதி வெங்கடகிருஷ்ணம் ராஜு ஐதராபாத்தில் இன்று அதிகாலை காலமானார். அவருக்கு வயது 82. ரெபெல் ஸ்டார் என்று ரசிகர்களால் அறியப்படும் இவர் சிறந்த நடிகருக்கான முதல் நந்தி விருதையும் வென்றவர் ஆவார். கிருஷ்ணம் ராஜு தனது வாழ்க்கையில் 183 க்கும் மேற்பட்ட திரைப்படங்களில் நடித்துள்ளார். கிருஷ்ணம் ராஜு தென்னிந்திய ஃபிலிம்பேர் விருதுகள் மற்றும் மூன்று மாநில நந்தி விருதுகளை வென்றுள்ளார். 1990களின் பிற்பகுதியில், அவர் அரசியலில் தீவிரமாக இறங்கினார். அவர் பாரதிய ஜனதா கட்சியில் சேர்ந்தார், காக்கிநாடா மற்றும் நரசபுரம் தொகுதிகளில் இருந்து 12, 13 வது மக்களவைக்கு தேர்ந்தெடுக்கப்பட்டார். அவர் 1999 முதல் 2004 வரை வாஜ்பாய் அமைச்சகத்தில் வெளியுறவு அமைச்சகத்தின் இணை அமைச்சராக பணியாற்றினார். மார்ச் 2009ம் ஆண்டு சிரஞ்சீவியால் நிறுவப்பட்ட பிரஜா ராஜ்யம் கட்சியில் சேர்ந்தார். 2009 பொதுத் தேர்தலில் ராஜமுந்திரி தொகுதியில் எம்பி தொகுதியில் போட்டியிட்டு தோல்வியடைந்தார்.
Tags :