வாரணாசியில் இருந்து ராமேஸ்வரத்திற்கு விரைவு ரயில் - இணையமைச்சர் எல்.முருகன்
வாரணாசியில் இருந்து ராமேஸ்வரத்திற்கு விரைவு ரயில் இயக்கக்கோரி மத்திய ரயில்வே அமைச்சரை சந்தித்து மத்திய இணையமைச்சர் எல்.முருகன் கோரிக்கை விடுத்துள்ளார்.
டெல்லியில் மத்திய ரயில்வே அமைச்சர் அஸ்வினி வைஷ்ணவை, மத்திய இணையமைச்சர் எல்.முருகன் சந்தித்தார். இந்த சந்திப்பில், தமிழ்நாட்டிற்கான ரயில்வே சார்ந்த திட்டங்கள் குறித்து பேசப்பட்டதாக தெரிவிக்கப்பட்டுள்ளது.
சந்திப்பில் ஈரோடு- பழனி ரயிலை, தாராபுரம் வழியாக இயக்க கோரிக்கை விடுத்த எல்.முருகன், இதனால் சுற்றுலாத்துறை வளர்ச்சி அடையும் என குறிப்பிட்டுள்ளார். இதேபோல், புண்ணிய தலங்களை இணைக்கும் வகையில் வாரணாசியில் இருந்து காஞ்சிபுரம் வழியாக ராமேஸ்வரத்திற்கு விரைவு ரயிலை இயக்கவும் அவர் கோரிக்கை விடுத்துள்ளார்.
Tags :
