கேரளாவில் நிறைவு பெறும் இந்திய ஒற்றுமை யாத்திரை
காங்கிரஸ் தலைவர் ராகுல் காந்தி தலைமையில் 'இந்திய ஒற்றுமை யாத்திரை' என்ற முழக்கத்துடன் நடத்தப்படும் பேரணி இன்று கேரளா சுற்றுப்பயணத்தை முடித்துக் கொண்டு கர்நாடகாவில் நுழைகிறது.
பெரும் வரவேற்பையும், பொதுமக்களின் பங்கேற்பையும் பெற்ற யாத்திரை, மலப்புரம் வழிப்பாதையில் இருந்து தமிழகம் கூடலூர் வழியாக கர்நாடகாவுக்குள் நுழைகிறது.
இன்று காலை 7 மணிக்கு மலப்புரம் சுங்கத்தாரா மார்த்தோமா கல்லூரி சந்திப்பில் இருந்து புறப்பட்ட பாதயாத்திரை, ஓய்வுக்காக மணிமூலி சிகேஎச்எஸ்ஸில் நிறைவடையும் நிலையில் கேரள சுற்றுப்பயணம் நிறைவடையும்.
பின்னர் மாலை 4 மணிக்கு கூடலூரில் உள்ள தமிழ்நாடு அரசு கலை மற்றும் அறிவியல் கல்லூரியில் இருந்து மீண்டும் பயணம் தொடங்கி இரவு 7 மணிக்கு கூடலூர் பேருந்து நிலையத்தில் நிறைவடையும். கூடலூர் மார்னிங் ஸ்டார் எச்எஸ்எஸ்ஸில் இரவு ராகுல்காந்தி உள்ளிட்ட தலைவர்கள் தங்குவார்கள். பின்னர் யாத்திரையின் கர்நாடக சுற்றுப்பயணம் நாளை தொடங்குகிறது.
இந்திய ஒற்றுமை யாத்திர கன்னியாகுமரி காந்தி மண்டபத்தில் இருந்து செப்டம்பர் 7ஆம் தேதி தொடங்கியது. இந்த பயணத்தை தமிழக முதல்வர் மு.க.ஸ்டாலின் தொடங்கி வைத்தார்.
இந்த யாத்திரை குழு செப்டம்பர் 11 அன்று கேரளாவில் நுழைந்து 18 நாட்கள் சுற்றுப்பயணம் செய்தது. திருவனந்தபுரம், கொல்லம், ஆலப்புழா, எர்ணாகுளம், திருச்சூர், பாலக்காடு, மலப்புரம் என கேரளாவில் ஏழு மாவட்டங்கள் வழியாக பயணம் சென்றது.
அகில இந்திய காங்கிரஸ் கட்சியால் நியமிக்கப்பட்ட 100 நிரந்தர உறுப்பினர்கள் ராகுல் காந்தியுடன் கன்னியாகுமரியில் இருந்து காஷ்மீர் வரை 150 நாட்கள் 3,571 கி.மீ நடைபயணம் மேற்கொள்ள உள்ளனர்.
Tags :
