ரூ.1.24 கோடி மதிப்பிலான போதைப்பொருள் பறிமுதல்
மிசோரம் பட்டாலியன் போலீசார் மற்றும் அசாம் ரைபிள்ஸ் படையினர் இணைந்து நடத்திய சோதனையில் ரூ.1.24 கோடி மதிப்பிலான போதைப்பொருட்கள் பறிமுதல் செய்யப்பட்டன. சம்பையில் தேடுதல் நடவடிக்கையின் போது, சந்தேகத்திற்கிடமான வகையில் இரண்டு இளைஞர்கள் காணப்பட்டனர். அவர்களை தடுத்து நிறுத்தி விசாரணை நடத்தியபோது, அவர்களிடம் போதைப்பொருள் இருந்தது கண்டுபிடிக்கப்பட்டது. சந்தையில் இவற்றின் விலை ரூ.1.24 கோடி இருக்கலாம் என கூறப்படுகிறது. இவற்றை பறிமுதல் செய்த போலீசார் இவற்றை போதைப்பொருள் தடுப்பு அதிகாரிகளிடம் ஒப்படைத்தனர்.
Tags :
