ஆசிட் வீசும் குற்றவாளிகளை தூக்கிலிட வேண்டும் - கவுதம் கம்பீர்
தென்மேற்கு டெல்லியில் 17 வயது சிறுமியை தாக்கியவர்களை பகிரங்கமாக தூக்கிலிட வேண்டும் என்று பாஜக எம்பியும் முன்னாள் கிரிக்கெட் வீரருமான கவுதம் கம்பீர் வலியுறுத்தியுள்ளார். இதுபோன்ற குற்றங்களில் ஈடுபடுபவர்களுக்கு மிகுந்த பயத்தை ஏற்படுத்த வேண்டும் என்றும் கம்பீர் ட்வீட் செய்துள்ளார். துவாரகா பகுதியில் பைக்கில் வந்த இருவர் சிறுமியை தாக்கியுள்ளனர். சாலையில் நடந்து செல்லும் போது ஆசிட் வீசப்பட்டது. இந்த சம்பவத்தின் சிசிடிவி காட்சிகள் வெளியாகின.இந்த சம்பவத்தில் சிறுமியின் பக்கத்து வீட்டுக்காரர் உட்பட மூவரை போலீசார் கைது செய்துள்ளனர். எட்டு சதவீத காயம் அடைந்த சிறுமி, சப்தர்ஜங் மருத்துவமனையில் தீவிர சிகிச்சை பிரிவில் சிகிச்சை பெற்று வருகிறார்.'வார்த்தைகளால் நீதி செய்ய முடியாது. இந்த மனித விலங்குகளுக்கு நாம் ஆழமான பயத்தை ஏற்படுத்த வேண்டும். பள்ளி மாணவி மீது ஆசிட் ஊற்றிய நபரை அதிகாரிகள் பகிரங்கமாக தூக்கிலிட வேண்டும்' - கம்பீர் ட்வீட் செய்துள்ளார்.
Tags :
