புடவைக்குள் ரூ.1.2 கோடிபோதைப்பொருட்கள் கடத்தல் : சென்னை விமான நிலையத்தில் சிக்கியது
சென்னை விமானநிலையத்திலிருந்து ஆஸ்திரேலியா நாட்டிற்கு செல்லும் சரக்கு விமானத்தில்,சரக்கு பாா்சல்களில் மறைத்து பெருமளவு போதைப்பொருட்கள் கடத்தப்படுவதாக சென்னையில் உள்ள மத்திய போதை தடுப்பு பிரிவுக்கு ரகசிய தகவல் கிடைத்தது.
.இதையடுத்து கடந்த சில தினங்களுக்கு முன்பு மத்திய போதை தடுப்பு பிரிவு தனிப்படையினா் சென்னை விமானநிலைய சரக்கு முனையத்திற்கு வந்து ஆஸ்திரேலியா செல்லவிருந்த சரக்கு விமானத்தில் ஏற்றப்பட்டிருந்த பாா்சல்கள சோதனையிட்டனா்.அப்போது பட்டுப்புடவைகள் அடங்கிய பாா்சல்களில் மறைத்து வைத்திருந்த 8 கிலோ சூடோ நெப்ரின் போதைப் பொருளை கைப்பற்றினா்.அதன் சா்வதேச மதிப்பு ரூ.80 லட்சம்.
அதோடு அந்த பாா்சலை சரக்கு விமானத்தில் ஆஸ்திரேலியா நாட்டிற்கு அனுப்ப பதிவு செய்திருந்த ஏஜென்சியிடம் விசாரணை நடத்தினா்.அப்போது அந்த பட்டுப்புடவைகள் பாா்சல்களை, காரைக்காலில் உள்ள ஒரு கொரியா் நிறுவனம் மூலம் அனுப்பப்பட்டது தெரியவந்தது.
.இதையடுத்து மத்திய போதைப்பொருள் கடத்தல் தனிப்படையினா்,காரைக்கால் சென்று, அந்த கொரியா் நிறுவனத்தில் சோதனை நடத்தி முக்கிய ஆவணங்களை கைப்பற்றினா்.மேலும் இந்த பட்டுப்புடவை பாா்சல்களை அனுப்பிய நபா் சென்னையை சோ்ந்தவா் என்றும் தெரியவந்தது.
இதையடுத்து மத்திய போதை தடுப்பு பிரிவு தனிப்படையினா் சென்னை வந்து, சென்னையில் உள்ள அந்த நபரை கைது செய்து விசாரணை நடத்தினா்.விசாரணையில் அவா் உண்மையை ஒப்புக்கொண்டாா்.அதோடு மேலும் 4 சூடா நெப்ரின் போதைப்பொருள் இதைப்போல் பட்டுப்புடவை பாா்சல்களில் வைத்து,இதற்கு முந்தைய சரக்கு விமானத்தில் ஆஸ்திரேலியாவிற்கு அனுப்பியுள்ளதாகவும் கூறினாா்.
இதையடுத்து மத்திய போதை தடுப்பு பிரிவு தனிப்படையினா் துரிதமாக செயல்பட்டனா்.ஆஸ்திரேலியா நாட்டில் உள்ள இந்திய தூதரக அதிகாரிகளுக்கு தகவல் கொடுத்தனா்.தூதரக அதிகாரிகள் உதவியுடன் விமானநிலையத்திலேயே 4 சூடோ நெப்ரின் போதை பொருளை கைப்பற்றினா்.அந்த போதைப்பொருள் தற்போது மீண்டும் சென்னைக்கு மற்றொரு சரக்கு விமானத்தில் வந்து கொண்டிருக்கிறது.
இதற்கிடையே கைதான சென்னை கடத்தல் ஆசாமியிடம் மத்திய போதை தடுப்பு தனிப்பிரிவு போலீசாா் மேலும் விசாரணை நடத்துகின்றனா்.அவா் ஆஸ்திரேலியாவிற்கு கடத்திய மொத்தம் 12 கிலோ சூடோ நெப்ரின் போதைப்பொருளின் சா்வதேச மதிப்பு ரூ.1.2 கோடி.இந்த போதைப் பொருள் கடத்தல் ஆசாமியுடன் சோ்ந்த மற்ற கடத்தல் ஆசாமிகள் பற்றியும் விசாரணை நடந்து வருகிறது.
இதற்கிடையே இந்த 12 கிலோ சூடோ நெப்ரின் போதை பொருட்கள் 2 தடவையாக சென்னை விமானநிலையத்திலிருந்து சரக்கு விமானங்களில் ஆஸ்திரேலியாவிற்கு அனுப்பப்பட்டுள்ளது.முதலில் அனுப்பிய 4 கிலோ ஆஸ்திரேலியா நாட்டில் உள்ள விமானநிலையத்திற்கே போய் சோ்ந்து விட்டது.அடுத்த 8 கிலோ போதைப்பொருளை மத்திய போதை தடுப்பு பிரிவு தனிப்படையினா்,சரக்கு விமானத்தில் ஏற்றபோகும்போது பிடிக்கின்றனா்.அப்பெடியெனில் சென்னை விமானநிலைய சரக்கு முனையத்தில் சுங்கச் சோதனையில் இது கண்டுப்பிடிக்கப்படாதது ஏன்? என்பது தெரியவில்லை.
Tags :
