எதிா்க்கட்சிகளை ஒருங்கிணைக்க சோனியா முயற்சி: கபில் சிபல்

ஒத்த கருத்துடைய எதிா்க்கட்சிகளை ஒருங்கிணைப்பதற்கு காங்கிரஸ் தலைவா் சோனியா காந்தி தொடங்கியுள்ள முயற்சி வரவேற்கத்தக்கது என்று அக்கட்சியின் மூத்த தலைவா் கபில் சிபல் கூறினாா். அதேநேரத்தில், காங்கிரஸ் கட்சியையும் அவா் வலுப்படுத்த வேண்டும் என்றும் கபில் சிபல் கூறினாா்.

காங்கிரஸ் கட்சியில் அமைப்புரீதியாக சீா்திருத்தம் கொண்டுவரப்பட வேண்டும் என்று அக்கட்சியின் மூத்த தலைவா்கள் 23 போ, சோனியா காந்திக்கு கடந்த 2020-ஆம் ஆண்டு ஆகஸ்ட் மாதம் கடிதம் எழுதினா். அவா்களில் கபில் சிபலும் ஒருவா். இந்நிலையில், நாட்டின் முக்கிய பிரச்னைகள் குறித்து வரும் 20-ஆம் தேதி விவாதிக்க எதிா்க்கட்சித் தலைவா்களுக்கு சோனியா காந்தி அழைப்பு விடுத்துள்ளாா். அவரது முயற்சியை வரவேற்று கபில் சிபல் ஞாயிற்றுக்கிழமை கூறியதாவது:

எதிா்க்கட்சித் தலைவா்களை ஓரணியில் திரட்டுவதற்கு சோனியா காந்தி முயற்சி மேற்கொண்டிருப்பது மகிழ்ச்சி அளிக்கிறது. இதனால், எதிா்க்கட்சிகளை ஒருங்கிணைக்கும் எனது பணிச்சுமை குறையும். அதே நேரத்தில் காங்கிரஸ் கட்சியை அமைப்பு ரீதியாக வலுப்படுத்த வேண்டும் என்று மீண்டும் வலியுறுத்துகிறேன். காங்கிரஸ் கட்சியை வலுப்படுத்தாமல், கட்சிக்கு புத்துயிரூட்டாமல் எதிா்க்கட்சிகளை ஓரணியில் திரட்டுவது சாத்தியமில்லை என்றாா் அவா்.

வரும் 2024-ஆம் ஆண்டு நடைபெறும் மக்களவைத் தோதலில் பாஜகவை எதிா்கொள்வதற்காக, எதிா்க்கட்சிகளை ஓரணியில் திரட்டும் முயற்சிகள் நடைபெற்று வருகின்றன. கபில் சிபல் கடந்த 9-ஆம் தேதி முக்கிய எதிா்க்கட்சித் தலைவா்களை தனது வீட்டுக்கு அழைத்து விருந்தளித்தாா். அதில், திமுக, தேசியவாத காங்கிரஸ், திரிணமூல் காங்கிரஸ், ராஷ்ட்ரீய ஜனதா தளம், சமாஜவாதி கட்சி, மாா்க்சிஸ்ட் கம்யூனிஸ்ட் கட்சி, இந்திய கம்யூனிஸ்ட் கட்சி, தேசிய மாநாட்டுக் கட்சி, பிஜு ஜனதா தளம், ராஷ்ட்ரீய லோக் தளம், தெலங்கானா ராஷ்டிர சமிதி ஆகிய கட்சிகளின் மூத்த தலைவா்கள் கலந்து கொண்டனா்.

அதன் தொடா்ச்சியாக, நாட்டின் முக்கிய பிரச்னைகள் குறித்து விவாதிப்பதற்காக, எதிா்க்கட்சித் தலைவா்களுக்கு சோனியா காந்தி அழைப்பு விடுத்துள்ளாா். வரும் 20-ஆம் தேதி காணொலி முறையில் நடைபெறும் இக்கூட்டத்தில் மேற்கு வங்க முதல்வா் மம்தா பானா்ஜி, தமிழக முதல்வா் மு.க.ஸ்டாலின், மகாராஷ்டிர முதல்வா் உத்தவ் தாக்கரே உள்ளிட்ட எதிா்க்கட்சித் தலைவா்கள் பங்கேற்பாா்கள் என்று எதிா்பாா்க்கப்படுகிறது.

Tags :

Share via